Politikani holandez i ekstremit të djathtë Geert Wilders tha të mërkurën se ai nuk ka mbështetje të mjaftueshme për t’u bërë kryeministër i vendit.
“Unë mund të bëhem kryeministër vetëm nëse të gjitha partitë në koalicion e mbështesin këtë. Nuk ndodhi kështu,” shkroi Wilders në X.
Vërejtjet e tij erdhën pas raporteve se përpjekjet për të formuar një qeveri të re me Wilders si kryeministër kanë dështuar.
Ai tha në një postim të mëvonshëm se do “bëhej kryeministër i Holandës një ditë, me mbështetjen e edhe më shumë holandezëve. Nëse jo nesër, atëherë pasnesër. Zëri i miliona holandezëve do të dëgjohet!.”
Partia islamofobike e ekstremit të djathtë për Liri (PVV) e Wilders doli si partia kryesore me 37 vende në zgjedhjet e funditmë 22 nëntor 2023, e ndjekur nga GroenLinks-PvdA, një koalicion i udhëhequr nga ish-zëvendëspresidenti ekzekutiv i Komisionit Evropian Frans Timmermans, me 25.
Pas zgjedhjeve, PVV, Partia Popullore për Liri dhe Demokraci (VVD) e qendrës së djathtë të ish-kryeministrit Mark Rutte, Lëvizja Fermer-Qytetare (BBB) e udhëhequr nga ligjvënësja Caroline van der Plas dhe partia Kontrata e Re Sociale (NSC). hynë në negociata për të formuar një qeveri të re.
