Manchester United ka arritur të kualifikohet në gjysmëfinale të FA Cup pas një fitore spektakolare ndaj Liverpoolit në një ndeshje që përfundoi 4:3 përtej 90 miunutave.
McTominay filloi me një gol në minutën e 10-të, duke i dhënë epërsinë “Djajve të Kuq”. Megjithatë, në minutën e 44-të, Mac Allister barazoi për Liverpoolin në 1:1, ndërsa në minutën e dytë shtesë të pjesës së parë, Mohamed Salah shënoi për 1:2.
Në minutën e 87-të, Antony barazoi rezultatin për Unitedin, duke dërguar ndeshjen në kohën shtesë.
Harvey Elliott e riktheu epërsinë për Liverpoolin në minutën e 105-të, por Rashford barazoi përsëri për Unitedin shtatë minuta më vonë.
Në minutat shtesë Diallo shënoi golin vendimtar për Unitedin, duke siguruar fitoren 4:3 dhe kualifikimin në gjysmëfinale.
