Një 33-vjeçar i shpallur në kërkim u arrestua nga policia në kuadër të megaoperacionit ‘Sundimi i ligjit’.
Shtetasi me iniciale N.K., sipas hetimeve dyshohet se në vitin 2020 ka qëlluar me armë zjarri në drejtim të banesës së N.M. Si pasojë është vrarë qeni që ishte në banesën e shtëpisë së N.M.
Gjykata e Apelit i caktoi masën e sigurisë ‘Arrest në burg’ N.K., për veprat penale të armë mbajtjes pa leje, kanosjes, prishjes së qetësisë publike si dhe vrasjes me dashje të kafshës shtëpiake.
33-vjeçari u lokalizua dhe u vu në pranga falë edhe informacioneve nga inteligjenca policore.
“Vijon megaoperacioni policor “Sundimi i ligjit”, për kapjen e shtetasve të shpallur në kërkim.
Në vitin 2020, qëlloi me armë zjarri në drejtim të banesës së një shtetasi, lokalizohet dhe ndalohet 33-vjeçari.
Në zbatim të planit të masave të hartuara në kuadër të megaoperacionit kombëtar “Sundimi i ligjit”, për kapjen e shtetasve të shpallur në kërkim dhe për goditjen e veprimtarive kriminale të ndryshme, shërbimet e Seksionit Operacional të DVP Shkodër, në bashkëpunim me specialistët e Seksionit për Hetimin e Krimeve të Komisariatit të Policisë Shkodër, bazuar në informacionet e siguruara nga inteligjenca policore, lokalizuan, kapën dhe vunë në pranga shtetasin N. K., 33 vjeç.
Ky shtetas ishte shpallur në kërkim pasi Gjykata e Apelit e Shkodrës i ka caktuar masën e sigurisë “Arrest në burg”, për veprat penale “Mbajtja pa leje dhe prodhimi i armëve, armëve shpërthyese dhe i municionit”, “Kanosja”, “Prishja e qetësisë publike” dhe “Vrasja me dashje e kafshës së shoqërimit”.
Nga hetimet dyshohet se më datë 08.01.2020, shtetasi N. K. ka qëlluar me armë zjarri, në drejtim të banesës së shtetasit N. M. Si pasojë, është vrarë kafsha shtëpiake (qen) që ishte në oborrin e banesës së shtetasit N. M..
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme”, njofton policia.
