Një 21-vjeçar ka rënë aksidentalisht nga tarraca e biznesit të familjarë të tij këtë pasdite rreth orës 16:00.
I riu i identifikuar me inicialet K.Ç, pasi mori ndihmën e parë në Spitalin Rajonal të Lezhës po transportohet në Spitalin e Traumës, Tiranë, pasi raportohet në gjendje të rëndë shëndetësore.
“Rreth orës 16:00, në spitalin rajonal të Lezhës, është dërguar për të marrë ndihmë mjekësore, shtetasi K. Ç., 21 vjeç, banues në Torovicë, i cili dyshohet se ka rënë aksidentalisht nga tarraca e biznesit në pronësi të familjarëve të tij.
21-vjeçari po transportohet në Spitalin e Traumës, Tiranë, për të marrë ndihmë të specializuar mjekësore, dhe aktualisht është në gjendje të rëndë shëndetësore”,- njoftojnë blutë.
Grupi hetimor vijon të punojë për sqarimin e rrethanave të rastit.
