Rusia uli flamujt në gjysmështizë të dielën duke e shpallur ditë zie pas sulmit terrorist në një koncert rock-u jashtë Moskës.
Vladimir Putin u shpreh se do të gjurmojë dhe ndëshkojë të gjithë ata që qëndrojnë pas masakrës, e cila la të vdekur 133 persona, duke përfshirë tre fëmijë, dhe Më shumë se 150 të plagosur.
Në një deklaratë Putin shprehu ngushëllimet e tij për jetët e humbur.
“I gjithë vendi dhe i gjithë populli ynë është i pikëlluar me ju”, tha ai.
Shteti Islamik ka marrë përgjegjësinë për sulmin e së premtes, por Putin nuk e ka përmendur publikisht grupin terrorist në lidhje me personat e armatosur, të cilët ai tha se ishin përpjekur të arratiseshin në Ukrainë.
Kiev ka mohuar fuqishëm çdo rol në sulm.
Ndërkohë, njerëzit kanë vendosur lule në Crocus City Hall, vendi i koncerteve me 6,200 vende pranë Moskës, ku katër burra të armatosur me automatikë kryen masakrën.
Ishte sulmi më me shumë viktima në territorin rus që nga rrethimi i shkollës në Beslan të vitit 2004, kur militantët islamikë morën peng më shumë se 1000 njerëz, duke përfshirë qindra fëmijë.
VINI RE: Ky material është pronësi intelektuale e Sky News.
