Sekretari për Çështjet ligjore në PD-në zyrtare, Indrit Sefa, shigjetoi marrëveshjen mes PS-së e Rithemelimit duke e quajtur një pazar.
I ftuar në News24, ai tha se beteja e Rithemelimit në Kuvend është false.
Sipas Sefës, tërheqja e Rithemelimit nga dy komisine hetimore për shëndetësinë tregon qartë se bëhet fjalë për pazar.
“Beteja e bërë me flakadanë e tymues rezultoi një betejë false. Në preludin e pazarit, aktorët betoheshin se nuk do kishte ndryshim të kërkesës për komisionet hetimore. Nga katër objektet për Komisionin e Shëndetësores, u rrudhën në dy. Kjo tregon që ishte pazar.” – tha Sefa.
