Burime në qeverinë amerikane janë të zemëruar me presidentin francez Emmanuel Macron, pas sugjerimit të tij se parandalimi i një fitoreje ruse në konfliktin në Ukrainë mund të kërkojë një forcë ushtarake të NATO-s, ka raportuar Bloomberg.
Një zyrtar i lartë amerikan i ka thënë gazetës se disa në Uashington besojnë se Macron mund të shkaktojë një përplasje me Moskën. Arsyetimi i kreut francez për deklaratën e tij është kritikuar nga aleatët pas dyerve të mbyllura, sipas një raporti të mërkurën.
Pasi priti një mbledhje pro-Kievit në Paris në fund të shkurtit, Macron tha se anëtarët e NATO-s “nuk mund të përjashtojnë asgjë”, duke përfshirë të paturit e ushtarëve në terren dhe parashikoi se një ndryshim në favor të kësaj mundësia mund të vijë në të ardhmen.
Udhëheqës të shumtë perëndimorë e përjashtuan publikisht dërgimin e trupave pas komenteve të Macron, duke sqaruar çdo paqartësi që mund të kishte synuar të krijonte. Presidenti i SHBA-së Joe Biden ishte ndër ata që e bëri këtë, si edhe kancelari gjerman Olaf Scholz.
Lëvizja e kreut francez mund të mos ketë qenë e zgjuar nga pikëpamja e sigurisë operacionale, pasi disa vende perëndimore kanë tashmë një numër të vogël trupash në Ukrainë, pohojnë burimet e gazetës.
Prania e tyre, megjithatë, është një sekret i hapur. Scholz e ka shpjeguar kundërshtimin për të dërguar raketa me rreze të gjatë veprimi në Ukrainë duke thënë se ndryshe nga Britania e Madhe dhe Franca, Gjermania nuk është e gatshme të dërgojë personelin e saj për të ndihmuar.
