Një gjykatë në Tunizi i ka dënuar me vdekje katër persona dhe dy të tjerë me burgim të përjetshëm, të akuzuar për vrasjen e një politikani majtist, tha të mërkurën një prokuror publik.
Chokri Belaid, lideri i atëhershëm i koalicionit Fronti Popullor, u vra me armë zjarri në veturën e tij pranë shtëpisë së tij në Tunis, në shkurt 2013.
Vrasja e tij, e para në Tunizi pas dekadash, nxiti protesta masive dhe ndikoi në dorëheqjen e kryeministrit të atëhershëm tunizian.
Belaid, një politikan majtist, kishte qenë kritik i ashpër i partisë islamike, Ennahda, e cila e udhëhiqte qeverinë në atë kohë, duke e akuzuar se po e injoronte dhunën e ekstremistëve kundër laikëve.
Mbështetësit e tij e fajëson partinë islamike për qasje tejet komode ndaj ekstremistëve pas varsjes së tij.
Ato kritika dhe vrasjet e më vonshme për pasojë atë vit, e shkaktuan një krizë politike në Tunizi.
Autoritetet i fajësuan ekstremistët islamikë për vrasjen e Belaidit.
Njëzet e tre njerëz u akuzuan në rastin e vrasjes së tij, hetimi dhe gjykimi i të cilit zgjati shumë vite.
Të mërkurën, pesë të pandehur u liruan nga akuzat, ndërsa ndaj të tjerëve u shqiptuan dënime nga dy deri në 120 vjet burgim.
VINI RE: Ky material është pronësi intelektuale e REL
