Forcat e Kievit thonë se shtatë dronë luftarakë rusë u shkatërruan mbrëmë në rajonet ukrainase të Dnipropetrovsk, Odessa dhe Kherson.
“Armiku sërish synoi infrastrukturën energjetike. Puna luftarake e forcave të mbrojtjes ajrore zgjati më shumë se tre orë. Dronët Shahed-131/136 manovruan në disa zona. Asnjë dëm kritik apo viktima nuk u raportua”, thuhet në një deklaratë në Telegram.
Sakaq, Instituti për Studimin e Luftës ka publikuar hartën e re të përparimit rus në Ukrainë. Sipas vlerësimeve të institutit, Moska ka pushtuar 505 kilometra katrorë të territorit ukrainas që nga rinisja e operacioneve sulmuese në tetor 2023.
Në hartë, zona e kuqe tregon zonat e pushtuara aktualisht nga rusët, të cilët filluan nga Krimea dhe rajonet e Donetsk dhe Luhansk.
