Presidenti serb Vuçiç emëroi të shtunën aleatin e tij të ngushtë Milos Vuçeviç për kryeministër dhe për të udhëhequr qeverinë të re në kohë lufte në Evropë dhe tensionet me Kosovën.
Emërimi vjen më shumë se tre muaj pasi partia e tyre, Partia Progresive Serbe (SNS), fitoi më shumë vota në zgjedhjet kombëtare më 17 dhjetor. Vuçeviç mori drejtimin e partisë pasi Vuçiç dha dorëheqjen vitin e kaluar.
“I propozoj parlamentit Millosh Vuçeviç si kandidat për kryeministër të Serbisë”, ka shkruar Vuçiç në Instagram.
Me profesion avokat, Vuçeviç ishte zëvendëskryeministër dhe ministër i Mbrojtjes në qeverinë e paraardhëses së tij Ana Brnabiç.
Partia në pushtet ka 113 vende në parlamentin me 250 vende dhe do duhet të kërkojë partnerë për të formuar një qeveri. Socialistët dhe Lista e Hungarezëve të Vojvodinës, të dy partnerë tradicionalë të SNS, kanë përkatësisht 13 dhe 6 deputetë.
Vuçeviç pritet të formojë një qeveri në javët e ardhshme. Ai do përballet me një detyrë të vështirë në ekuilibrimin e lidhjeve të Serbisë me Rusinë dhe Kinën kundër aspiratës së saj për t’u bashkuar me Bashkimin Evropian.
Edhe pse Serbia, e cila ka statusin e kandidatit për anëtarësim në BE, ka dënuar pushtimin rus të Ukrainës në Kombet e Bashkuara, ajo kundërshtoi t’u bashkohet sanksioneve kundër Moskës.
