Një tërmet i fuqishëm me magnitudë 7.2 goditi brigjet lindore të Tajvanit të mërkurën në mëngjes, duke dëmtuar ndërtesat dhe duke shkaktuar një paralajmërim për cunami.
Tërmeti goditi shtetin Hualien në orën 7:58 të mëngjesit me orën vendase dhe u ndje në gjithë ishullin, përfshirë kryeqytetin e tij Taipei, thanë zyrtarët.
Të paktën katër persona janë vrarë dhe 97 janë plagosur, tha departamenti i zjarrfikësve të Tajvanit.
Mediat aportuan se disa njerëz mund të jenë ende të bllokuar në shtëpitë e tyre. Wu Chien-fu, kreu i Qendrës Sizmologjike, tha se ishte tërmeti më i fortë që ka goditur Tajvanin që nga viti 1999.
Disa ndërtesa të larta janë shembur pjesërisht. Në rajone të tjera, valët goditëse kanë shkaktuar rrëshqitje të dheut.
Videot e postuara në mediat sociale tregojnë ndërtesa shumëkatëshe që anojnë në mënyrë të rrezikshme nga njëra anë.
Zyrat dhe shkollat janë mbyllur në Hualien, së bashku me shërbimet hekurudhore në disa qytete. Tërmeti u ndje gjithashtu në disa qytete të Kinës kontinentale, përfshirë Shangain, sipas Global Times.
