Shtetet e Bashkuara të Amerikës mirëpresin përpjekjet e fundit të Izraelit për të lejuar më shumë ndihmë humanitare në Gaza, tha të premten Sekretari i Shtetit Antony Blinken, por shtoi se suksesi do të matet me rezultatet në përmirësimin e situatës në terren.
“Vërtet prova është në rezultatet dhe ne do t’i shohim ato të shpalosen në ditët në vijim, në javët në vijim,” tha Blinken, duke folur së bashku me liderët e BE-së në Belgjikë.
Presidenti Joe Biden kërcënoi të enjten se do të kushtëzojë mbështetjen për ofensivën e Izraelit në Gaza nëse nuk merren hapa konkretë për të mbrojtur punonjësit e ndihmës dhe civilët në enklavë.
Lëvizja e Biden u nxit nga sulmi izraelit që vrau shtatë punonjës humanitarë. Izraeli tha se do të hapte pikën e kalimit Erez, e cila është mbyllur që kur u shkatërrua gjatë sulmit të 7 tetorit ndaj Izraelit që nisi luftën, dhe do të rrisë ndihmën përmes kalimit Kerem Shalom.
I pyetur për veprimin e Izraelit pas ndryshimit të qëndrimit të Biden, Blinken tha se Uashingtoni do të “shikojë nga afër” metrikat specifike si numri i kamionëve që hyjnë në Gaza.
