Deputetja e Partisë Demokratike, Jorida Tabaku deklaroi në rubrikën Opinion në News 24 se kompanitë po veprojnë si grupe kriminale.
Sipas saj kompanitë që ndërtojnë në Tiranë nuk mund të jenë me kapital zero dhe të lidhura me zyrtarë të lartë.
Sipas nëse pesë persona bashkëpunojnë me njëri tjetrin për të dëmtuar buxhetin e shtetit bëhet fjalë për grup të strukturuar kriminal.
Tabaku gjithashtu theksoi se kompani që vijnë nga persona me precedentë kriminalë nuk mund të marrin përsipër punime.
“Në këtë Qeverisje korrupsioni është kulturë. Çdo ligj që kalon në parlament duhet ta ketë frymën antikorrupsion. Kompanitë që ndërtojnë në Tiranë nuk mund të jenë me kapital zero, që janë të lidhura me zyrtarë të lartë.
Nuk mund të marrin statusin e investitorit strategjik të tilla kompani. Legjislacioni duhet të vendosë disa ndalesa.
Kompani që nuk kanë realizuar më parë punime, kompani që vijnë nga persona me precedentë kriminal nuk mund të marrin përsipër punime, të gjitha janë sipas legjislacionit të BE-së dhe nuk u miratuan.
Ky duhet të jetë fokusi, çrrënjosja e kësaj kulture. Këtu bëhet fjalë për grupe kriminale. Sepse kur pesë persona bashkëpunojnë me njëri-tjetrin për ta dëmtuar buxhetin e shtetit, bëhet fjalë për grup të strukturuar kriminal.
Dhe kur operon nën kryetarin e bashkisë, i bie që është ose i paaftë ose budalla, se rezulton që nuk ka marrë vesh asgjë çfarë ka ndodhur”, tha Tabaku.
