SHBA po synon të ndalojë zhvillimin e sektorit energjetik rus, duke përfshirë një projekt të ri të madh të gazit të lëgshëm në Arktik, tha zyrtari i lartë i Departamentit të Shtetit, Geoffrey Pyatt.
Duke folur në një samit të Financial Times të hënën, Pyatt deklaroi se SHBA-ja po synon posaçërisht projektin “Arktik LNG 2” në rajonin verior të Rusisë Yamal, që po zhvillohet nga gjiganti privat i energjisë Novatek.
“Qëllimi ynë është të sigurojmë që projekti Arktik LNG 2 të jetë i vdekur”, citohet të ketë thënë Pyatt, i cili shërben si ndihmëssekretar i Shtetit për burimet e energjisë, nga gazeta britanike.
“Ne jemi shumë të përqendruar për të siguruar që Rusia të mos jetë në gjendje të zhvillojë projekte të reja në mënyrë që të rishesë gazin që kishte dërguar më parë në Evropë.”
SHBA-ja ka vendosur disa seri kufizimesh ekonomike për “Arktik LNG 2”, më i fundit prej të cilëve u njoftua në nëntor 2023.
Sipas një vlerësimi të Reuters, BE-ja rriti blerjet e LNG-së ruse në vitin 2023 për të kompensuar humbjen e gazit nga tubacionet. LNG aktualisht mban 15% të tregut, nga afërsisht 8% para vitit 2022. Pjesa e gazit të tubacionit rus ishte më parë 37%.
Humbja e tregut evropian e ka shtyrë Moskën të ripërqendrohet në tubacionet që lidhin fushat kryesore të gazit me klientët në Azi, kryesisht Kinën.
