Atletika e lehtë do bëhet sporti i parë që prezanton çmime në para në Lojërat Olimpike, me World Athletics që tha të mërkurën se do paguajë 50,000 dollarë për medalistët e artë në Paris.
Lëvizja është një ndarje simbolike me të kaluarën amatore të Lojërave Olimpike në një nga shfaqjet më të ndjekura të lojërave në botë.
Organi drejtues i atletikës tha se po linte mënjanë 2.4 milionë dollarë për të paguar medalistët e artë në 48 garat në Lojërat Olimpike të Parisit të këtij viti. Ekipet e stafetave do ndajnë 50,000 dollarë midis anëtarëve. Pagesat për fituesit e medaljes së argjendtë dhe bronzit janë planifikuar të fillojnë në Lojërat Olimpike 2028 në Los Anxhelos.
Fituesit e medaljes së artë olimpike megjithatë do fitojnë më pak të ardhura se në kampionatin botëror të atletikës. Edicioni i vitit të kaluar në Budapest pagoi çmime në para me 70 mijë dollarë për medalistët e artë.
