Deputetja e Partisë së Lirisë Monika Kryemadhi akuzoi qeverinë Rama për gjendjen e ekonomisë, arsimit e shëndetësisë ndërsa tha se në Shqipëri po pastrohen lekët e krimit.
Kryemadhi theksoi se Shqipëria po ecën me shpejtësi drejt autokracisë ndërsa përplasjen për mandatin e Xhaçkës e cilësoi si përpjekje për të hequr vëmendjen e qytetarëve nga vjedhjet e pastrimi i parave.
“Ne gratë bëhemi si mish për top për burrat ndonjëherë, por karma is a bitch. Sot jemi një vend që po shkojmë drejt autokracisë. Ky është një sistem qeverisës, ku pushtetet funksionojnë me regji. Edhe kolegia jonë Olta Xhaçkës është pjesë e regjisë. Kjo sepse duhen t’ia heqin vëmendjen qytetarëve vjedhjet, nga pastrimi i parave. Sot sistemi arsimor është në gjendje të rëndë. Ne po jetojmë në një shoqëri të mbytur nga korrupsioni. Në Tiranë dhe në Shqipëri pastrohen paratë. Edhe për turizmin thonë ka arritur kulmin, por se nuk ka rini që të punojë. Ndërtojnë gradaçela me 60 kate, që do ngelen bosh se nuk ka bir nëne që t’i blejë se të gjithë duan të ikin e nuk duan të kthehen më.” – tha Kryemadhi.
