Dy thasë me rreth 15.8 kilogramë cannabis sativa u sekuestruan në një makinë tip “Jaguar” që drejtonte një 50-vjeçar, në urën e Kardhiqit.
Nga hetimet paraprake dyshohet se lënda narkotike po transportohej me qëllim trafikimin. Gjithashtu, u kap shtetasi F. D. që lëvizte me një automjet tip “Mini Cooper”, me të cilin monitoronte rrugën ku kalonte automjeti me lëndën narkotike, me qëllim shmangien e shërbimeve të Policisë.
Në pranga kanë rënë shtetasi Th. B., 50 vjeç, banues në fshatin Shënvasi, Sarandë dhe F. D., 31 vjeç, banues në Konispol.
Operacioni u kodua “Matt”. U sekuestruan dhe 2 automjetet tipe “Jaguar” dhe “Mini Cooper” dhe 6 celularë.