Një tërmet me magnitudë 6.4 goditi Japoninë jugore të mërkurën pa asnjë raportim të menjëhershëm për humbje jetësh apo dëme në infrastrukturë, tha agjencia meteorologjike e vendit.
Epiqendra e tërmetit ishte në brigjet e prefekturës Ehime me një thellësi prej 50 kilometrash, njoftoi agjencia e lajmeve Kyodo.
Sipas raportit, tërmeti u regjistrua më i ulët se 6 në shkallën e intensitetit sizmik japonez prej 7 në prefektura dhe fokusi i tij ishte në ngushticën që ndan ishujt Kyushu dhe Shikoku.
Nuk është lëshuar asnjë paralajmërim për cunami.
“Qeveria po mbledh të dhëna për dëmet pas tërmetit”, tha në një konferencë shtypi kryesekretari i kabinetit Yoshimasa Hayashi.
Asnjë anomali nuk është zbuluar në termocentralin bërthamor Ikata në Ehime, me njësinë e tij nr. 3 që vazhdon të funksionojë pavarësisht lëkundjeve.
