Izraeli ka sulmuar Iranin, thanë tre persona të njohur me këtë çështje, pasi media shtetërore iraniane raportoi herët të premten se forcat e tij kishin shkatërruar dronët, disa ditë pasi Irani nisi një sulm hakmarrës me dronë ndaj Izraelit.
Një burim i tha Reuters se SHBA-të nuk ishin të përfshira, por ishin njoftuar nga Izraeli përpara sulmit.
Agjencia iraniane e lajmeve Fars raportoi se tre shpërthime u dëgjuan pranë një baze ushtarake në qytetin qendror të Isfahanit. Një zyrtar iranian i tha Reuters se nuk kishte sulm me raketa dhe shpërthimet ishin rezultat i aktivizimit të sistemeve të mbrojtjes ajrore të Iranit.
Televizioni shtetëror iranian tha se pak pas mesnate “tre dronë u vëzhguan në qiell mbi Isfahan. Sistemi i mbrojtjes ajrore u aktivizua dhe i shkatërroi këta dronë në qiell”.
Transmetuesi më vonë tha se gjendja në Isfahan ishte normale dhe nuk kishte ndodhur asnjë shpërthim tokësor.
Ushtria izraelite nuk kishte asnjë koment mbi raportet.
