Kreu i Partisë së Lirisë, Ilir Meta, ka veshur bluzën me mbishkrimin ‘lironi liderin e opozitës’ ndërsa i është bashkuar protestës poshtë banesës së ish-kryeministrit Sali Berisha.
Meta tha se Berisha nuk është në arrest shtëpie, por në piedestal.
“Ndryshimi është i pashmangshëm, Edi Rama është i pashpresë.
Ne jemi gati të bashkohemi me të gjithë ata që janë të vendosur për të përmbysur këtë regjim kriminal, maskën e të cilit po e çjerr çdo ditë edhe RAI3.
Ne do të ndjekim çdo skenar që dërrmon këtë regjim mafioz dhe që realizon 5 prioritete.
Padiskutim që bashkimi i opozitës. Bashkimi bën fuqinë.
Berisha nuk është në arrest shtëpie, është në piedestal. I kanë dhënë mundësinë të shoh më lart se ne këtu.
Opozita është në një moment pozitiv të bashkimit”, tha Meta.
Kreu i Partisë së Lirisë, Ilir Meta, nga podium poshtë banesës së Sali Berishës, është shprehur se ish-kryeministri po mbahet në arrest shtëpie pasi ka qenë kundër copëzimit të Kosovës, kundër shpopullimit të Shqipërisë dhe kundër pazareve që shkatërrojnë pluralizmit politik në vend.
“Oj Serbi murin ta prisha, se më thonë Sali Berisha. Po Sali Berisha është atje dhe nuk është këtu se doli kundër copëtimit të Kosovës, se doli kundër shpopullimit të Shqipërisë, se nuk u bë pjesë e pazareve të ulëta dhe të fuqia për të shkatërruar pluralizmin politik.
Ata kujtojnë se e kanë izoluar, por e kanë ndihmuar. I kanë dhënë një podium, më të lartë, e kanë afruar me qiellin dhe zotin, që të flasë më kthjellët.
Sali Berisha ka avantazhin që këta puçistët e Ramaformës dhe Ramoviçit e kanë ngjitur lart dhe sheh më kthjellët se ne këtu poshtë.
Jam të shumtë ata që thonë pse nuk ka ardhur Ilir Meta kë? Po si mund të vinte si kryetar, por vetëm si president dhe presidenti i përgjithshëm i republikës së Shqipërisë, zotin Sali Berisha.
Dua t’ju them të gjithëve, politika është politik, por atdheu është një dhe vetëm një. Besimet fetare janë të ndryshme, por udhëheqësit tanë fetarë na kanë lënë një mësim, pa atdhe nuk ka fe. Pa Shqipëri nuk ka parti. Ndaj jemi sot këtu.
SPAK apo SKAP nuk guxon t’i përmendë emrin Ramës në dy orë kaloi 17 vendime. Nuk po flas për PPP, për tendera sekret, për hata të tjera, këta mburren dhe thonë se po godasim pandëshkueshmërinë, duke u marrë me Sali Berishën, të cilin ka plot shqiptarë që se pëlqejnë, por i cili ka qenë një simbol i integritetit njerëzor dhe shtetëror”, tha Meta
