Kryetari i PD-së të Rithemelimit, Sali Berisha e cilëson fitoren e protestave në Bashkinë e Tiranës si vendimtare për të arritur qeverinë teknike të ardhshme.
Sipas tij nëse fitohet Tirana opozita do rikthehet në pushtet.
Berisha më tej u bëri thirrje qytetarëve dhe forcave të tjera politike të bashkohen në protestë.
“Fitorja, triumfi i Tiranës, çlirimi i shtëpisë së parë të kryeqytetit është fitore vendimtare për qeverinë teknike të ardhshme.
Është fitore vendimtare për rikthimin e opozitës në pushtet.
Është fitore vendimtare për shpëtimin e Shqipërisë dhe çeljen e rrugës së integrimit të këtij vendi.
Ndaj përsëri sonte u bëj thirrje të gjithë qytetarëve të bashkohemi në kauzën tonë të drejtë.
Ju bëj thirrje të gjithë atyre forcave politike, lëvizjeve politike që e ndjejnë se kleptokracia, se sundimi i drogës, bandave dhe krimit të Edi Ramës janë dramë e vërtetë kombëtare për shqiptarët.
Të bashkohemi, të përmbushim misionin tonë, shpëtimin e Shqipërisë.
Është koha e provës, është ora e provës për çdo shqiptar që ndjehet opozitar.
Për çdo shqiptar që përjeton padrejtësi në kurrizin e tij.
Të bashkohemi në një front të përbashkët.
Fitoren e kemi të sigurt”-deklaroi Berisha.
