Ish-presidenti Donald Trump dha një intervistë të rrallë për revistën Time. Mes pyetjeve të shumta ai u përgjigj edhe për çështjen e mprehtë të emigracionit.
Trump përsëriti pretendimet se shumë emigrantë që hyjnë në SHBA janë ish-të burgosur ose janë institucionalizuar në vendet e tyre. CNN ka raportuar më herët se nuk ka të dhëna për të mbështetur idenë se një rritje e emigrantëve nxit rritje të krimit.
Ndërsa ai nuk e përdori termin nënçmues, Trump vuri në dukje “Operacionin Wetback”, nisma e dëbimit përgjatë kufirit me Meksikën gjatë administratës Eisenhower, si një model.
Në vitin 1954, zyrtarët e kufirit punuan me forcat lokale të zbatimit të ligjit për të grumbulluar më shumë se 1 milion shtetas meksikanë dhe i zhvendosën ata në anën e Meksikës të kufirit.
Historianët, siç raportoi CNN në vitin 2016, kanë argumentuar se shumë më pak njerëz u deportuan, pasi shumë njerëz u kapën disa herë. Ata gjithashtu vënë në dukje se shumë qytetarë amerikanë u kapën dhe u deportuan gabimisht.
