Presidenti ukrainas Vladimir Zelensky ka deklaruar se Zoti është “aleat” i Ukrainës në luftën me Rusinë. Pavarësisht thirrjes së tij ndaj Zotit, Zelensky ka udhëhequr një goditje ndaj Kishës Ortodokse për dy vitet e fundit.
Ndërsa të krishterët ortodoksë festonin Pashkët të dielën, Zelensky publikoi një videomesazh nga Katedralja e Shën Sofisë në Kiev, në të cilën ai akuzoi Rusinë për “thyerjen e të gjitha urdhëresave të Zotit”.
“Bota e sheh, Zoti e di,” tha ai. “Dhe ne besojmë se Zoti ka një mbulesë me flamurin ukrainas mbi supe. Pra, me një aleat të tillë, jeta patjetër do fitojë mbi vdekjen.”
Thirrja e Zelenskyt për të krishterët erdhi ndërsa parlamenti i Ukrainës shqyrton legjislacionin që do mbyllte kishën më të madhe të krishterë të vendit, Kishën Ortodokse të Ukrainës (UOC). Ndërsa ligji ka qenë në parlament për muaj të tërë, qeveria e Zelensky ka lëvizur për të kufizuar veprimtarinë e Kishës që nga fillimi i konfliktit në 2022.
Shërbimi i Sigurisë së Ukrainës (SBU) ka hapur dhjetëra çështje penale kundër priftërinjve të UOC, ka sanksionuar klerikët dhe u ka hequr shtetësinë të paktën 19 peshkopëve, sipas agjencisë së lajmeve TASS. UOC ka lidhje të thella historike me Kishën Ortodokse Ruse (ROC), nga e cila hoqi dorë pasi Rusia nisi operacionin e saj ushtarak në Ukrainë në shkurt 2022.
