Madridi dhe Buenos Aires u përplasën keqazi me deklarata në fudnjavë pasi ministri spanjoll i Transportit Oscar Puente sugjeroi se presidenti i Argjentinës Javier Milei ishte përdorues droge.
Puente, gjatë një paneli diskutimi në Salamanca të premten, sugjeroi që Milei kishte përdorur “substanca” gjatë fushatës zgjedhore të vitit të kaluar.
Zyra e Mileit lëshoi një deklaratë të shtunën duke dënuar komentet duke sulmuar gjithashtu kryeministrin spanjoll Pedro Sanchez.
Ai akuzoi Sanchezin për “rrezikimin e grave spanjolle duke lejuar emigracionin e paligjshëm” dhe minimin e integritetit të Spanjës duke bërë marrëveshje me separatistët, ndërsa politikat e tij majtiste sollën “vdekje dhe varfëri”.
Kjo provokoi një qortim nga Ministria e Jashtme spanjolle, e cila tha se termat e përdorur në deklaratën argjentinase “nuk korrespondojnë me marrëdhëniet midis dy vendeve dhe popujve vëllezër”.
Pas zgjedhjes së Milei, një populist i krahut të djathtë që mori drejtimin në dhjetor, marrëdhëniet midis Argjentinës dhe Spanjës, të qeverisur nga një koalicion i krahut të majtë të udhëhequr nga Partia Socialiste e Sanchez, janë ftohur ndjeshëm.
Milei ka mbështetur publikisht partinë e ekstremit të djathtë anti-emigracion të Spanjës Vox.
