Pas humbjes ndaj Sassuolos javën e kaluar, Interi u rikthye sonte te fitorja në Serie A.
Skuadra e drejtuar nga Simone Inzaghi regjistroi fitore të thellë në udhëtim ndaj Frosinones, në kuadër të javës së 36-të.
Ndeshja e zhvilluar në stadiumin “Benito Stirpe” përfundoi me rezultatin 0:5.
Davie Frattesi (19′) hapi serinë e golave, që u vazhdua pastaj nga Mark Arnautovic (60′), Tajon Buchanan (77′), Lautaro Martinez (80′) dhe Marcus Thuram (84′).
Interi pas kësaj fitore ka 92 pikë.
Frosinone mbetet në kuotën e 32 pikëve dhe renditet në pozitën e 16-të në tabelë.
