Ministri i Brendshëm i Sllovakisë drejtoi gishtin te mediat dhe opozita, duke u kërkuar atyre që të reflektojnë se si e paraqesin informacionin.
Autoritetet sllovake akuzuan një burrë për tentativë vrasje me paramendim të enjten pasi qëlloi pesë herë kryeministrin Robert Fico në qytetin qendror Handlova.
Sulmi e la udhëheqësin e vjetër në një gjendje të rëndë, por të qëndrueshme.
“Përpjekja për të vrarë Ficon ishte e motivuar politikisht,” tha Ministri i Brendshëm i Sllovakisë Matuš Šutaj-Eštok gjatë një konference për shtyp mbi të shtënat e Ficos.
Eštok tha se i dyshuari, që besohet të jetë 71 vjeç, ishte një “ujk i vetmuar” dhe nuk i përkiste asnjë partie politike, por kishte marrë pjesë më parë në protestat antiqeveritare.
Ministri nuk specifikoi se cili ishte motivi, por fajësoi mediat dhe opozitën.
“Ishin informacione që keni prezantuar së fundmi. Mënyra se si i keni prezantuar, mendoj se secili prej jush mund të reflektojë“, tha ai.
