Zëdhënësja e PD-së së Rithemelimit për Antikorrupsionin Genta Vangjeli, në një deklaratë për shtyp nga selia blu, denoncoi se qeveria shpenzoi shpenzoi 9.5 milion euro për dieta e bileta të transportit ajror në 2023 dhe 8.1 milion euro për 2022.
Ajo tha se vlerat e paraqitura në raportin e APP janë pothuaj 3 fish më të ulëta se vlerat reale të regjistruara periodikisht në publikimet e shpenzimeve për blerje të biletave dhe udhëtimet jashtë vendit.
DEKLARATA:
Në analizën vjetore të APP-së për 2023 janë pasqyruar shpenzimet për blerjen e biletave të transportit ajror ndërkombëtar. Sipas këtij institucioni për vitin 2022 vlera totale e shpenzuar për bileta ishte 2.9 milion euro ndërsa për vitin 2023 vlera totale ishte 3.6 milion euro ose 25% më shumë.
Të dy këto shifra fshehin fluturimet dhe shpenzimet lidhur me to të zyrtarëve të Ramës.
Partia Demokratike bën me dije publikun se shpenzimet fundore për dieta e blerjen e biletave të transportit ajror për vitin 2022 kapin vlerën totale të 8.1 milion euro
Për vitin 2023 kjo vlerë shkon në 9.5 milion euro ose 18% më shumë.
Vlerat e paraqitura në raportin e APP janë pothuaj 3 fish më të ulëta se vlerat reale të regjistruara periodikisht në publikimet e shpenzimeve për blerje të biletave dhe udhëtimet jashtë vendit.
Sikurse vërehet shpenzimet reale nuk përkojnë me vlerat totale sipas raportit të APP-së.
A janë këto rezultate veprime të kryera për shkaqe të mungesës së disiplinës profesionale apo veprime të kryera me dashje për të fshehur shpenzimet abuzuese e pa kriter të qeverisë që na drejton?
Kjo duhet hetuar ….
Për parimin e transparencës as nuk po flasim sepse kjo qeveri dhe administrata e saj e konsiderojnë një fjalë boshe që kërkohet nga Brukseli, por nuk ka vlerë në Shqipëri.
