Psikologët kanë votuar përsëri në asamblenë e jashtëzakonshme për shkarkimin e presidentes së Urdhrit të Psikologut.
Gjatë kësaj asambleje, ata votuan edhe për presidentin e ri. Me 286 vota, Altin Nika u zgjodh si president i ri i Urdhrit të Psikologut.
Megjithatë, Valbona Treska nuk e ka lënë detyrën pavarësisht votave kundër saj në Asamble. Për këtë arsye, psikologët kanë paralajmëruar se do t’i drejtohen Gjykatës së Tiranës për zgjidhje.
“Asambleja e dyte ishte e domosdoshme në kushte ku vendimet e asamblesë së parë nuk u pasqyruan nga këshilli kombëtar. Dezertuan të bënin detyrën që duhet ta bënin. Në momentet që shkarkohet një drejtues, duhet domosdoshmërish të zgjidhet dhe drejtuesi i ri. Kur mblidhen 550 vetë do të thotë që problemet ekzistojnë.
Sipas ligjit asambleja mblidhet kur thërret presidenti ose kur vet mblidhet vetë me 1 të 3-ën. Për shkak të problematikave dhe abuzimeve. Është marrë në dorë nga 1 e treta. Nuk është lojë që të mblidhen 550 firma. Detyra e çdo antari është në momentin ku vijohet në dijeni për një shkelje dhe duhet të referohet në organet kompetente. Zonja është kallzu në prokurori nga antarët rreth një muaj më parë. E njëjta dhe prokurorisë së rrethit”, tha kandidati për president të Urdhrit të Psikologut Altin Nika.
“U miratuan disa ndryshime për sa i përket funksionimit të urdhërit por edhe për të zgjedhur kreun e ri. Thjesht është ccështje e funksionimit. Ka pakënaqësi për pagat, për përzgjedhjen e antarve të komisioneve drejtuese dhe për kuotat që ne duhet të paguajmë. Nuk ka asgjë personale me individin, por për funksionin”, tha Nerida Llaha, antare e urdhërit të psikologut, përcjell Shqiptarja.com.
