Arabia Saudite po planifikon një shitje shumë miliardë dollarësh të aksioneve të gjigantit të energjisë Aramco që në qershor, në atë që do të ishte një nga marrëveshjet më të mëdha të aksioneve në rajon, thanëdy njerëz të njohur me këtë çështje.
Oferta mund të mbledhë rreth 10 miliardë dollarë, tha një nga njerëzit. Përgatitjet janë duke vijuar dhe hollësitë mund të ndryshojnë gjatë rrugës, thanë burimet, të cilët po flisnin në kushte anonimiteti sepse çështja është private.
Aksionet do listohen në Riad dhe do jetë një ofertë plotësisht e tregtuar dhe jo një shitje e përshpejtuar brenda disa ditësh, shtuan ata. Zyra e komunikimit e qeverisë dhe Aramco nuk iu përgjigjën menjëherë një kërkese për koment.
Bankat, duke përfshirë Citigroup, Goldman Sachs dhe HSBC ishin rreshtuar më parë për të menaxhuar shitjen, ka raportuar Reuters.
Arabia Saudite ka nisur një shndërrim ekonomik të njohur si “Vizioni 2030”, i cili vë në qendër të zhvillimit të saj të ardhshëm një sektor privat të zgjeruar dhe një rritje jashtë sektorit të naftës. Qeveria saudite mbetet aksioneri më i madh i Aramco-s, me 90% të aksioneve dhe mbështetet shumë në pagesat e saj për të financuar buxhetin.
Aramco pret të paguajë 31 miliardë dollarë dividentë, tha kompania në fillim të këtij muaji, pavarësisht se raportoi fitime më të ulëta për tremujorin e parë mes çmimeve më të ulëta të naftës dhe vëllimeve të shitura.
Që nga oferta e saj fillestare publike në vitin 2019, IPO-ja më e madhe në botë, aksionet e Aramco janë rritur nga një çmim IPO prej 32 (8.53 dollarë) rialësh në 38.64 (10.3 dollarë) rialë një vit më parë. Aksionet e saj u mbyllën me 29.95 (7.99 dollarë) rial të enjten.
