Rreth 50,000 metra kub ujëra të zeza janë hedhur në lumin Sena gjatë disa javëve të fundit, kanë thënë zyrtarët lokalë të qytetit.
Incidenti ndodhi vetëm dy muaj para fillimit të Lojërave Olimpike Verore, gjatë të cilave autoritetet franceze planifikojnë që garuesit e triatlonit të notojnë në lumë.
“Ka pasur një mosfunksionim të madh në rrjetin që dërgon ujërat e zeza nga Conflans-Sainte-Honorine në impiantin e trajtimit,” tha kryebashkiaku Laurent Brosse për La Gazette du Val d’Oise të mërkurën. Tre pompa në një periferi në veriperëndim të Parisit ndaluan së punuari për shkak të defektit elektrik dhe u vendosën pompa të përkohshme.
Rreth 50,000 metra kub ujëra të zeza u lëshuan në lumë si rezultat i incidentit, sipas administratës së zonës Grand Paris Seine et Oise. Zyrtarët thanë se shkarkimi i ujit të ndotur nga sistemi i prishur i pompimit është ndalur.
Zyrtarët besojnë se reshjet e dendura sezonale shkaktuan dëme në pajisjet. Vendasit u ankuan në mediat sociale për erën e keqe që vinte nga lumi dhe raportuan se kishin parë faceta sanitare dhe peceta që notonin në ujë. Videot që qarkullojnë në X tregojnë ujë kafe që derdhet në lumë.
