Luçiano Spaleti ka programuar miqësoren ndaj Bosnjës duke menduar që të luajë përballë një skuadre të ngjashme me Shqipërinë. Trajneri i kombëtares italiane, një ditë para miqësores së fundit përgatitore për Europianin, është shfaqur para mediave ku ka komentuar gjendjen e skuadrës së tij që hyn në këtë turne me petkun e kampiones në fuqi.
Si është Barela?
Për Barelën ka optimizëm që në momentin e parë sepse gjithçka ka qenë gjithmonë nën kontroll. Kur ka lodhje duhet të presësh një ose dy ditë, por sot gjithçka u bë më e qartë. Ai nuk mund të merret në konsideratë për sfidën e Empolit, por për Shqipërinë, po, jemi besimplotë. Meret? I njëjti diskutim.
A janë të vjetruara skemat 4-3-3 apo 4-2-3-1 pas seancave të fundit stërvitore dhe pas përjashtimit të Orsolinit?
Jo. Kambiaso, Kieza ose Pelegrini mund të luajnë në pozicionin sipërm në të djathtë, ndaj kemi disa mundësi për atë zonë të fushës.
Çfarë prisni nesër? A do të luajë Skamaka nesër?
Pres të shoh që analizat e bëra pas ndeshjes kundër Turqisë të vihen në praktikë. Kishte kohë për të provuar disa gjëra me djemtë dhe pres të shoh që ata i kuptuan disa gjëra dhe të bëjmë më mirë. Skamaka luan nesër.
Cili është podiumi që parashikoni për Kampionatin Europian?
Mendoj se është e drejtë, duke pasur parasysh pozicionin tonë, të jemi ne ata të cilëve duhet t’u jetë e hapur çdo gjë. Nuk do të ketë kurrë një pozicion qetësie sepse ne jemi Italia, ndaj duhet të kemi shumë aspirata. Pastaj pasi të marrim përgjegjësinë me dashurinë dhe pasionin e sportistëve tanë, ne duhet të shkojmë të luajmë dhe ndeshjet ta vendosin përballë disa vështirësive. Duhet të tregojmë se jemi të aftë të dimë të reagojmë ndaj mundësive. Varet se si reagon ndaj të ardhmes. E dimë nga ku vijmë. Me siguri gjëja më e mirë nuk është t’u thuash këtyre djemve se e vetmja gjë e mundshme është të fitosh Kampionatin Europian, kur mbërrita, ishte ende një plagë e rëndësishme e hapur. Ne po shkojmë në Europian, pastaj do të shohim nëse ne mund të rritemi në këtë rrugë, por që e nisëm nga një moskualifikim në Kupën e Botës. Ne fituam në vitin 2021, por e filluam nga moskualifikimi në Kupën e Botës. Nuk duam të jemi hakerat e vetvetes, ne po punojmë seriozisht. Nuk isha unë që i zgjodha lojtarët, janë ata që e kanë merituar këtë fanellë, unë vetëm zgjodha më të mirët.
A do të luajë Buonxhorno nga minuta e parë?
Po.
Pelegrinit iu caktua numri 10, a është pak më shumë 10 se të tjerët? Çfarë do të thotë për ju të luash në Empoli?
Duke pasur parasysh cilësitë që ka Pelegrini, ai mund të mbajë numrin 10 në mënyrë korrekte, ai është bërë nga ky brumë dhe është një lojtar që di të mbajë topin, që di të ekzekutojë goditjet e lira dhe penalltitë. Ai ka këmbën e duhur për të dhënë atë top të butë perfekt dhe është gjithmonë në formë me pozicionimin e trupit, ai di të kalojë kundërshtarët në hapësira të ngushta. Dhe pastaj është Barela që është afër numrit 10, edhe pse ai bën shumë rrugë. Por kjo e bën atë edhe më të fortë, e përmirëson. Jemi të vendosur mirë në zonë e numrave 10. Empoli? I bleva unë të gjitha biletat… Të gjithë miqtë e mi do të jenë atje, do të ndihem patjetër si në shtëpinë time sepse kam përjetuar momente të mrekullueshme atje dhe kam përjetuar të gjithë fëmijërinë. Kam qenë trajner në akademi, kam trajnuar ekipin e parë, ishte një përvojë e mrekullueshme që më jep emocione shumë të rëndësishme kur e kujtoj. Do të jetë shumë emocionuese.
Çfarë ekipi është Bosnja?
Një skuadër që i bën kundërsulmet, cilësinë e parë, ata e mbajnë bllokun e ekipit të ulët dhe të japin ndjesinë se ke aftësinë për të menaxhuar ndeshjen. Nëse nuk je i balancuar, mund të vuash me rinisjet. Nëse humbasim shumë pasime, mund të rishfaqet ndeshja kundër Turqisë. Duhet të jesh në gjendje të kesh cilësinë për të gjetur gjysmë-hapësirat që krijojnë vështirësi në mbulim.
Tridhjetë vjet më parë, do të kishit menduar ndonjëherë të ktheheshit në këtë stadium si trajner i Italisë?
Kjo është një blu edhe më e ndritshme, më e shkëlqyer. Është e vështirë të përgjigjem: kur e nisa, sigurisht që kisha ambicie, po punoja për të drejtuar një ekip të Serisë A, por në atë moment ishte e pamundur të imagjinohej ky moment këtu. Por siç u tha më parë, ne të gjithë e kemi të ardhmen përpara dhe më pas varet nga veprimet që bëni. Nga përulësia, nga bindja: ato janë dy gjëra që kanë afërsi me njëra-tjetrën. Nuk duhet të jesh mendjemadh, por të mbivlerësosh kundërshtarët e tu është edhe më keq. ashtu si edhe mosvlerësimi i mundësive tuaja. Do të jetë një moment i bukur.
A do të ketë hapësira Faxholi nesër?
Po, më pëlqeu interpretimi i tij dhe nesër ai do të luajë së bashku me Zhorzhinjon. Duhet të jemi të mirë teknikisht nëse duam t’i sjellim të gjithë këta njerëz në fushë. Duhet cilësi dhe inteligjencë taktike për ta bërë këtë punë, duhet pak më shumë në krahasim me atë që kemi treguar deri më tani. Duhet të qëndrojmë më shumë në sektorin qendror. Duhet të përpiqemi të komandojmë ndeshjen, të dimë në kontrollojmë topin dhe në cilën zonë të fushës. Ne kemi pak nga gjithçka me këta 26 lojtarë./Panoramasport.al
