Policia Rrugore e Tiranës ka vendosur 11. 776 masa administrative ndaj drejtuesve të mjeteve gjatë një jave.
Në bilancin e polisisë bëhet e ditur, se janë vendosur mesatarisht 1.628 gjoba në ditë gjatë javës që lamë pas (02.06.2024 – 08.06.2024).
Gjobat më të shumta janë vendosur për qëndrim të gabuar, për mosvendosjen e rripit të sigurimit dhe mosdhënie përparësie ndaj qytetarëve në rrugë.
Ndërkohë, janë arrestuar dhe proceduar 3 persona për drejtim mjeti nën ndikimin e alkoolit, 2 persona për pa leje drejtimi, 4 persona për shkelje të rregullave të qarkullimit dhe 2 persona për korupsion aktiv.
NJOFTIMI I POLICISË
“Rezultatet javore të Komisariatit të Policisë Rrugore Tiranë (02.06.2024 – 08.06.2024)
Gjatë javës së fundit, janë zbatuar masa të rrepta në ruajtjen e rendit dhe sigurisë rrugore:
Arrestime dhe procedime penale:
3 persona për drejtim mjeti nën ndikimin e alkoolit.
2 persona për pa leje drejtimi.
4 persona për shkelje të rregullave të qarkullimit.
2 persona për korrupsion aktiv.
Masat administrative:
11.776 masa administrative të vendosura, mesatarisht 1,682 në ditë.
32 masa për xhama të zinj.
739 masa për shpejtësi mbi normat e lejuara.
324 masa për përdorim celulari gjatë drejtimit.
640 masa për mos vendosjen e rripit të sigurimit.
24 masa për mosrespektim të sinjalit “Stop”.
596 masa për mosdhënie përparësi qytetarëve.
7908 masa për qëndrim të gabuar.
Pezullime dhe bllokime:
6 raste pezullim për drejtim nën ndikimin e alkoolit.
43 raste për tejkalim shpejtësie.
9 raste të ndryshme
7 automjete u bllokuan, përfshirë 3 me targa të huaja”.
