Universitetet publike të vendit këtë të premte iu nënshtruan zgjedhjeve akademike për rektor, dekanë dhe për senatin akademik.
Në Universitetin e Tiranës do të jetë sërish rektor edhe për 4 vite Prof. Artan Hoxha në mandatin e dytë.
Në Universitetin e Mjekësisë është zgjedhur rektor Prof. Xheladin Draçini me shumicë apsolute.
Në Universitetin e Arteve rektor u zgjodh Erald Bakalli, i cili kandidoi përball prof. Artan Peqinit.
Ndërsa tek Politekniku është zgjedhur rektor Prof. Akli Fundo.
Në Universitetin Bujqësor do të shërbej edhe 4 vite të tjera rektori Fatbardh Sallaku.
Edhe tek Universiteti i Sporteve do jetë sërish rektor edhe për 4 vite të tjera Agron Kasa.
Zgjedhjet janë mbajtur edhe në rrethe, ndryshe nga çfarë është parë në Tiranë, në rrethe ka pasur interes për 2 deri në 3 kandidatë për rektor në një universitet.
Në universitetin “Luigj Gurakuqi” në Shkodër u zgjodh rektor Tonin Gjuraj, i cili ishte në garë me Rajmonda Këçira dhe Nertila Ljarja.
Në Korçë u zgjodh rektor i ri Lorenc Ekonomi, ndërsa në garë kandiduan Irena Nikaj dhe Robert Damo.
Aurela Saliaj është zgjedhur rektore e universitetit “ Ismail Qemali” në Vlorë. Saliaj ishte në garë me Evelina Bazini pedagoge në fakultetin e Ekonomisë dhe Kreshnik Bello. Aurela Saliaj ka mbajt postin si dekane e fakultetit të shëndetit ndërsa ka fituar me rezultat të ngushtë përballë dy kanditatëve të tjerë.
Në Universitetin “Aleksandër Moisiu” Durrës, mandatin 4-vjeçar për rektor të këtij universiteti e ka fituar pedagogu dhe ish-dekani Shkëlqim Fortuzi. Shkëlqim Fortuzi mori 121 vota, Osman Metalla 101, Lindita Mukli 53 vota dhe Andon Kume 51 vota.
Në universitetin e Elbasanit ‘Aleksandër Xhuvani’ kandidoi vetëm një kandidat për rektor, Elvira Fetahu.
