Të paktën 30 njerëz kanë vdekur dhe mijëra janë detyruar të largohen nga shtëpitë pasi stuhitë dhe reshjet e dendura të shiut vijojnë të godasin Amerikën Qendrore, sipas zyrtarëve lokalë, me reshjet që kanë çuar në daljen e lumenjve nga shtrati duke shkatërruar shtëpitë dhe duke shkëputur komunitete të tëra.
Autoritetet e Salvadorit të premten thanë se numri i të vdekurve tani kishte arritur në 19, mes tyre gjashtë fëmijë, ndërsa mbi 3,000 njerëz mbeten në strehimore të përkohshme.
“Ne duhet të shpëtojmë jetë njerëzish,” u tha gazetarëve të premten Luis Amaya, i cili drejton agjencinë e mbrojtjes civile të El Salvadorit.
Autoritetet e Guatemalës raportuan të premten 10 vdekje, rreth 11,000 njerëz të zhvendosur, afër 380 ende në strehimore të përkohshme, 300 dëme të rënda dhe katër ura të shkatërruara.
Ndërkohë, Hondurasi fqinj raportoi 1 vdekje dhe mbi 1200 njerëz të zhvendosur. Autoritetet e vendit thanë se shirat kishin ndërprerë 180 komunitete dhe kishin shkatërruar 22 shtëpi.
