Komisioni Evropian ka akuzuar Apple për thyerjen e rregullave të reja të konkurrencës dixhitale duke penguar zhvilluesit e aplikacioneve që të drejtojnë lirshëm konsumatorët drejt shërbimeve më të lira.
Gjetjet paraprake të Komisionit Evropian rrjedhin nga një hetim i hapur në mars. Nëse shpallet fajtore, kompania mund të përballet me një gjobë deri në 10% të të ardhurave të saj vjetore globale prej 383 miliardë dollarësh, tha në një deklaratë të hënën krahu ekzekutiv i BE-së. Gjoba mund të rritet në 20% të të ardhurave globale të kompanisë nëse përsërit shkeljen, shtoi ai.
Veprimi i së hënës shënon herën e parë që Komisioni ka akuzuar një kompani për shkeljen e Aktit të saj historik të Tregjeve Dixhitale. DMA, e cila hyri në fuqi në mars, është një grup rregullash konkurruese që synojnë të frenojnë fuqinë e Big Tech, shkruan CNN.
