Të akuzuarit për trafik narkotikësh, armëmbajtje pa leje dhe pjesëmarrje në grup kriminal përfituan uljen e 1/3 së dënimit për shkak të gjykimit të shkurtuar, megjithatë GJKKO vendosi mbi 90 vite burg për ta, që duhet të vuajnë në siguri të lartë.
Rreth 485 kg kokainë u trafikuan nga Kolumbia përmes një ngarkese me pleh organik, e cila u zbulua fillimisht nga autoritetet malazeze me sinjalizimin e DEA-s amerikane. Për ekstraktimin e lëndës narkotike, grupi kriminal kishte kontraktuar dy kimistë kolumbianë.
SPAK ka veçuar një fraksion tjetër hetimor për persona të tjerë të paidentifikuar që dyshohet se kanë qenë të përfshirë në trafikun e kokainës nga Kolumbia, ndër ta edhe një individ i njohur me nofkën “mirditori”.
Nikolin Gjolena – 17 vite – 11.4 me gjykim të shkurtuar
Viktor Cervanaku – 15 vite – 10 me gjykim të shkurtuar
Enxhi Ferhati – 12 vite – 8 me gjykim të shkurtuar
Klajdi Kodra – 17 vite – 11.4 me gjykim të shkurtuar
Bledar Matoshi – 12 vite – 8 me gjykim të shkurtuar
Denilson Çervanaku – 17 vite – 11.4 me gjykim të shkurtuar
Zenel Çervanaku – 14 vite – 9.4 me gjykim të shkurtuar
Redion Meshi – 14 vite – 9.4 me gjykim të shkurtuar
Julian Malaj – 3 vite – 2 vite me gjykim të shkurtuar për ( moskallëzim krimi ) lirohet menjëherë
Marildo Rona – 12 vite – 8 me gjykim të shkurtuar
