Pallati presidencial i Bolivisë është sulmuar nga ushtarë ndërsa ish-presidenti i vendit paralajmëroi për “grusht shteti”.
“Ne do ta rikuperojmë këtë atdhe,” u tha gjenerali Juan José Zúñiga gazetarëve nga Sheshi Murillo pasi u pushtua nga trupat, sipas gazetës El Deber.
Ish-presidenti Evo Morales akuzoi gjeneralin Zúñiga për planifikimin e marrjes së pushtetit, duke u bërë thirrje mbështetësve të demokracisë të godasin dhe të bllokojnë rrugët.
Presidenti Luis Arce denoncoi ato që ai i quajti lëvizjet “të parregullta” të trupave, duke thënë se “demokracia duhet të respektohet”.
Morales shkroi: “Një grup i Regjimentit Special Challapata ‘Mendez Arcos’ pushtoi Plaza Murillo me snajperë.Kjo tregon se ata e përgatitën grushtin e shtetit paraprakisht.U kërkoj njerëzve me mendje demokratike të mbrojnë atdheun nga grupe të caktuara ushtarake që veprojnë kundër demokracisë dhe popullit”.
Ministrja boliviane Maria Nela Prada publikoi një video në llogarinë e saj në Facebook, duke treguar pamjen nga një dritare në një ndërtesë qeveritare.
Ajo tha se ishte dëshmitare e një “përpjekje grushti shteti”.
“Unë jam në pallatin e popullit. Siç mund ta shihni, ky është Plaza Murillo i marrë nga tanke dhe trupa të armatosura. Ne e kuptojmë se është një fraksion i ushtrisë, “tha ajo.
Ajo tha se njësitë ushtarake kishin zënë pozicione në të katër anët e sheshit dhe nuk po lejonin askënd të hynte.
“Ata e nisën këtë operacion në mënyrë krejtësisht të parregullt,” tha ajo.
Morales, presidenti i parë që vjen nga shumica indigjene e Bolivisë, kreu një program radikal pasi fitoi pushtetin në vitin 2005, që synonte adresimin e ndarjeve dhe pabarazive ekstreme sociale.
Ai dha dorëheqjen në vitin 2019 dhe u pasua nga senatorja e opozitës Jeanine Áñez, që e shpalli veten presidente të përkohshme në nëntor 2019.
Arce fitoi zgjedhjet presidenciale të tetorit 2020, duke rikthyer në pushtet partinë socialiste Mas.
