Trajneri i Danimarkës, Kasper Hjulmand, u ankua për eliminimin e ekipit të tij nga Kampionatin Evropian pas vendimeve të sistemit VAR.
Danezët shënuan të parët me Andersen por goli u anulua për pozicion jashtë loje të Delaney që ishte pak cm jashtë loje.
Pak minuta më pas Anderson shkaktoi një 11-metërsh pasi sipas VAR, zbuloi se ai kishte prekur topin me dorë.
11-metërshi u kthye në gol nga sulmuesi Kai Havertz në minutën e 53-të ndërsa më vonë në ndeshje Musiala shënoi golin që vulosi kualifikimin e Gjermanisë.
“Rezultati u vendos nga dy vendime VAR. Unë e kam foton këtu, ishte një centimetër,” tha Hjulmand, duke mbajtur telefonin e tij inteligjent me një foto të vendimit VAR.
“Nuk ka kuptim. Nuk supozohet të përdorim VAR-in kështu, është 1 cm. Jam shumë i lodhur nga rregullat qesharake të lojës me dorë. Ne nuk mund të kërkojmë që mbrojtësit tanë të vrapojnë në fushë me krahët pas qafe,” shtoi ai.
“Joachim po vraponte normalisht, ai e preku topin nga vetëm 1 metër larg. Unë rrallë flas për këto vendime, por ishte shumë vendimtare për këtë ndeshje. Është zhgënjyese për ekipin tonë. Të qenit përpara 1-0 do të kishte ndryshuar gjithçka.” shtoi ai.
