Në orët e para të mëngjesit të së premtes, jo shumë kohë pasi Presidenti Biden ishte larguar nga skena në një debat katastrofik, kryetarja e tij e fushatës, Jen O’Malley Dillon, pranoi në një seri telefonatash private me mbështetës të shquar se nata kishte shkuar keq, por bëri thirrje që të mos reagojnë tepër.
Më vonë të premten, ndihmësit më të lartë të Shtëpisë së Bardhë nisën telefonatat, me shefin e shtabit të Biden, Jeff Zients, që thirri udhëheqësin demokrat të Senatit, Chuck Schumer, sipas një personi të njohur me thirrjen.
Pasdite, fushata e Biden-it e kishte shndërruar thirrjen e saj javore të të gjithë stafit në një bisedë virtuale për të larguar çdo dyshim që zvarritet në zyrat e fushatës në Ëilmington dhe më gjerë.
“Asgjë nuk ka ndryshuar rrënjësisht në lidhje me këto zgjedhje, pas debatit të mbrëmshëm,” tha Quentin Fulks, zëvendësmenaxheri i fushatës së Biden, sipas një regjistrimi të mbledhjes së të gjithë stafit.
“Ne do godasim fort, ne do kthehemi fuqishëm. Ne do ringrihemi sa herë të na na godasin.”
48 orët pas debatit ishin një fushatë e furishme brenda një fushate për të shpëtuar kandidaturën e zbehtë të Biden, një përpjekje shumëditore për të kontrolluar dëmin e për të bërë presion dhe lutje me ligjvënësit e shqetësuar demokratë, surrogatët, aktivistët dhe donatorët që të qëndrojnë pranë presidentit, emrit të kandidatit të partisë për zgjedhjet.
Pas një serie të furishme prej shtatë takimesh të fushatës në katër shtete që nga debati, vetë Biden po bën një pushim për një mbledhje të paraplanifikuar familjare në Camp David. Ai mbërriti vonë të shtunën dhe do t’i bashkohet gruaja e tij, Jill Biden, Zonja e Parë, si dhe fëmijët dhe nipërit e Biden, sipas dy personave të njohur me takimin.
Mbledhja, për një fotosesion familjar, ishte planifikuar në pranverë, sipas atyre njerëzve. Por koha dhe rrethanat kur Biden ishte i rrethuar nga vetë anëtarët e familjes që kanë qenë vendimtare në vendimet e tij të kaluara për të kandiduar për presidencë – ose për të dalë në garë – kanë rritur shqyrtimin rreth mbledhjes në Camp David.
Për momentin, ndarja midis mbështetësve më aktivë të partisë dhe votuesve, të cilët për më shumë se një vit kanë shprehur shqetësime për përshtatshmërinë e presidentit 81-vjeçar për një mandat tjetër, mbetet po aq i madh sa kurrë. Disa demokratë po përgatiten për një rënie të sondazheve pas paraqitjes së tij të lëkundur në debatin që, thonë ata, mund të rindezë thirrjet për të zëvendësuar Biden me një tjetër kandidat.
Përpjekjet e gjithanshme, nga Ëilmington në Uashington, treguan thellësinë e dëmit që Biden i bëri fushatës së tij të rizgjedhjes në vetëm 90 minuta. Fushata e tij është kritikuar si e fshehtë dhe këmbëngulëse, kështu që shpërthimi i aktivitetit sinjalizoi se pasojat e debatit ishin kthyer në një krizë të vërtetë.
Ish-presidenti Barack Obama doli nga qoshja për të ofruar fjalë inkurajuese. Biden bëri një lloj ‘mea culpa’ në Karolinën e Veriut në një tubim. Dhe zëvendësuesit e shquar, duke përfshirë ata në shumë lista të mundshme të zëvendësimeve, zunë banaqet televizive për Biden në kanalet televizive. Disa nga mbrojtjet më të forta u shpalosën pas dyerve të mbyllura, në mbledhjet private të fondeve dhe në një stuhi bisedash natën vonë dhe herët në mëngjes.
Deri të shtunën, përpjekjet e tyre dukej se kishin ngadalësuar me sukses valën e demokratëve të shquar që bënin thirrje që Biden të tërhiqej. Presidenti, nga ana e tij, rrëmbeu mikrofonat në takimet e fushatës, duke u thënë mbështetësve dhe donatorëve të fuqishëm se ai e dinte se e kishte shpërdoruar debatin. Dhe ai vazhdimisht u përpoq të kthente fokusin te paraqitja e Donald J. Trump.
“Nuk kalova një natë të mirë,” i tha Biden një grupi donatorësh në East Hampton të shtunën.
“Por as ai.”
“Fëmija i rikthyer” i Amerikës
Guvernatori Phil Murphy i Nju Xhersit, i cili organizoi një darkë private për mbledhjen e fondeve për presidentin në shtëpinë e tij të shtunën në mbrëmje, ishte mes atyre që morën një telefonatë nga një zyrtar i lartë i Shtëpisë së Bardhë.
“Ishte pranimi se ata kishin një natë të vështirë dhe gjithashtu pranimi se ne duhet të kujtojmë se ky ka qenë një rrugëtim i mirë gjatë katër viteve të fundit dhe ne duhet të ecim paraë,” tha ai në një intervistë, duke shtuar: “Ata duhet ta shtypin fort pedalin e gazit”.
Në takimin e tij, që mblodhi 3.7 milionë dollarë për fushatën, Murphy e prezantoi presidentin si “fëmijën e rikthyer të Amerikës”.
Ndërsa disa demokratë ëndërronin mënyra për të hartuar një kandidat tjetër në bisedat private dhe në biseda të qeta, zyrtarët e lartë të Biden u thanë pothuajse të gjithëve se nuk kishte asnjë alternativë të mundshme dhe demokratët duhej të qëndronin të përqendruar në kërcënimin e paraqitur nga Trump.
Në mesin e atyre që ndoqën këtë shteg ishin këshilltarët kryesorë të Shtëpisë së Bardhë të Biden – Zients, Bruce Reed, Anita Dunn dhe Steve Riçhetti – të cilët morën një listë të krerëve legjislativë, donatorëve kryesorë dhe të tjerëve, sipas shumë njerëzve të njohur me bisedat.
Ndihmësit kryesorë të fushatës thanë se Biden duhet të provojë se ai mund të jetë mjaft energjik për ashpërsinë që ofron fushata. Por ata i siguruan aleatët e tyre se besonin se ai do ishte në lartësinë e duhur.
Në një mbledhje fondesh për Demokratët e Kongresit me ish-presidentin Obama të premten në mbrëmje në Nju Jork, temat dërrmuese të diskutimit ishin dështimi i Biden në skenën e debatit dhe mënyra se si partia duhet të përgjigjet.
Së bashku me Kongresmenin Hakeem Jeffries, kreun e pakicës në Kongres, Obama u tha donatorëve se debati kishte qenë një natë e vështirë, por ai theksoi detyrën urgjente për të mposhtur Trump-in, thanë dy të pranishmit.
Disa të pranishëm fajësuan ndihmësit e Biden për dobësinë në debat, duke argumentuar se ata nuk duhet të kishin rënë dakord kurrë për formatin ose për një kohë kaq të vonuar. Kongresmeni Gregory W. Meeks i Nju Jorkut tha se shumë donatorë u kërkuan zyrtarëve të zgjedhur të pranishëm që t’i bënin presion Biden-it për t’i dhënë fund kandidimit të tij. Meeks tha se ai i këshilloi donatorët që të qetësoheshin.
“Unë pajtohem që ishte një natë e tmerrshme, e tmerrshme,” tha ai, duke sugjeruar se disa prej tyre ishin për shkak se Biden u përpoq të fuste shumë informacion në përgjigjet e tij.
“Donatorët janë shumë të shqetësuar,” tha Meeks.
“Erdhën disa prej tyre dhe thanë se ishin në panik, të jem shumë i çiltër me ju, se duhej të bënim diçka, duhej të bënim diçka tani. Dhe të tjerët që erdhën tek unë dhe thanë se do ishte rrëmujë të bëja diçka tani.”
Ndërsa Obama po përpiqej të qetësonte donatorët, ata po gumëzhinin mes tyre për një editorial të postuar në internet rreth kohës së debatit nga bordi redaktues i New York Times, i cili bënte thirrje që Biden të largohej, sipas dy të pranishmëve. Ai pasoi thirrje të tjera të tilla nga figura të medias që ndjekin Biden-in, duke përfshirë Joe Scarborough të MSNBC dhe editorialistin e NY Times, Thomas Friedman.
Për muaj të tërë, demokratët, kryesisht në heshtje, janë shqetësuar për aftësinë e Biden për të bërë fushatë në moshën e tij të tanishme dhe për të qeverisur deri në moshën 86-vjeçare nëse ai fiton një mandat të dytë.
Plot 45 për qind e demokratëve nuk donin që ai të ishte i nominuar në ditët para debatit, sipas sondazhit të fundit nga The Times dhe Siena College, shqetësime që me shumë gjasa u thelluan nga paraqitja e tij.
Zyrtarët demokratë po prisnin se çfarë do tregonte vala e parë e sondazheve pas debatit. Tani për tani, dukej se kishte një ndjesi midis demokratëve të lartë se kishte pak që mund të bënin.
Një nga këshilltarët kryesorë të Biden, i cili foli në kushte anonimiteti për të ruajtur marrëdhëniet, tha se ideja që një kandidat më i ri mund të zëvendësonte Biden-in dhe të mundte Trump-in në nëntor ishte e ngjashme me një “fantazi”.
Këshilltari e krahasoi atë shpresë me spekulimet se Nikki Haley ose republikanë të tjerë mund ta kishin rrëzuar Trump-in nga primaret republikane.
Disa këshilltarë thanë se një debat i dytë, i planifikuar për në shtator, duhet të ndodhë. Ata thanë se presidenti duhet të përqendrohet në luftën kundër Trump-it në vend që të përpiqet të shpjegojë axhendën e plotë të Biden-it.
24 orët e para
Përpjekja për të ndaluar demokratët që të largoheshin nga fushata filloi përpara se Biden të kishte përfunduar parqitjen e tij në skenën e debatit të enjten mbrëma. Dhomat e fushatës të krijuara në Ëilmington dhe Atlanta filluan t’u dërgonin mesazhe gazetarëve dhe zëvendësve të mundshëm të presidentit, duke përfshirë se Biden nuk kishte ndërmend të largohej nga gara.
Të nesërmen në mëngjes, O’Malley Dillon, kryetarja e fushatës, marshoi nëpër hollin e ‘Ritz-Carlton’ në Atlanta, e rrethuar nga Fulks dhe menaxherja e fushatës, Julie Chavez Rodriguez, për të informuar disa nga donatorët më besnikë të fushatës.
Më vonë në Karolinën e Veriut, Biden mbylli një tubim me një pranim të moshës dhe kufizimeve të tij, duke e shndërruar një tubim të planifikuar në Raleigh në një paraqitje që mund të ndahej në pjesë dhe shpërthehej në mediat sociale.
“Unë nuk eci aq lehtë sa dikur. Unë nuk flas aq mirë sa dikur”, tha Biden në tubim. Por, shtoi ai: “Nuk do kandidoja më nëse nuk do besoja me gjithë zemër dhe shpirt se mund ta bëj këtë punë”.
Në orën 14:36 të së premtes, skuadra e Biden mori një nga nxitjet e saj më të rëndësishme: një mesazh mbështetës nga Obama. “Ndodhin netë të këqija debati. Më besoni, e di këtë gjë”, shkroi Obama në rrjetet sociale.
“Kjo deklaratë ishte e rëndësishme,” tha Kongresmeni Ro Khanna i Kalifornisë, një anëtar i bordit këshillimor kombëtar të Biden.
Në takimin e të gjithë stafit të premten pasdite, zyrtarët e lartë të fushatës – O’Malley Dillon, Chavez Rodriguez, Fulks dhe Rob Flaherty, një tjetër zëvendësmenaxher i fushatës – i thanë stafit se ata e kuptonin se po përballeshin me një përmbytje shqetësimesh dhe kritika nga miqtë, familja dhe mbështetësit.
“Ne nuk po ju kërkojmë djema që të mbyllni sytë për atë që keni parë,” tha Fulks, sipas regjistrimit.
Kelley Robinson, presidente e Fushatës për të Drejtat e Njeriut, tha se ndihmësit e Biden u thirrën pas debatit dhe theksuan aksionet e këtyre zgjedhjeve. Ajo iu bashkua presidentit në një gala vjetore LGBTQ+ të premten në mbrëmje në New York City.
“Njerëzit filluan të lëkunden pak, por në fund të ditës ne do shohim dy zgjedhje,” tha ajo.
“Njerëzit po kthehen në një hapësirë shumë pragmatike dhe po kuptojnë se çfarë duhet të ndodhë në këtë cikël zgjedhor.”
“Nuk kam kaluar një natë të mirë”
Pasditen tjetër, në një ëebinar të së shtunës të organizuar për të siguruar anëtarët e Komitetit Kombëtar Demokratik, kryetari kombëtar i partisë, Jaime Harrison, foli për operacionin në terren të partisë dhe 27 milionë dollarët që fushata Biden kishte mbledhur që nga debati. Ai nuk bëri pyetje, sipas pjesëmarrësve të shumtë, të cilët thanë se pikëpamjet e komitetit për të ardhmen e Biden mbeten të përziera.
Gjatë gjithë fundjavës, operacioni Biden ishte i etur për të paraqitur një pamje të një partie të bashkuar – ndoshta shumë të etur për garë.
Të shtunën pasdite, ekipi i Biden dërgoi një kërkesë për mbledhjen e fondeve nga James Carville, strategu demokrat i cili ka argumentuar vazhdimisht se Biden nuk duhet të jetë kandidati i partisë.
“Ajo që me të vërtetë më futi në orbitë ishte një ditë pas justifikimit të tij se nuk ecte e nuk fliste aq mirë sa dikur. Epo, kjo është e gjithë çështja,” tha Carville në një intervistë, duke shtuar: “Është e sigurt të thuhet se këtu ka një moment kundërvënieje, tubim rreth flamurmbajtësit. Por do e shohim.”
Ndërsa Biden lëvizte nëpër Hamptons për të tërhequr fonde në shtëpinë e menaxherit miliarder të fondit mbrojtës Barry Rosenstein, ai adresoi mungesat e tij në skenë.
“Unë e kuptoj shqetësimin për debatin – e kuptoj,” tha ai.
“Nuk kam kaluar një natë të mirë.”
Gjatë rrugës për atje, autokolona e tij kaloi një grup njerëzish që mbanin tabela ku shkruhej: “Ju lutemi largohuni nga gara për të mirën e SHBA-së. Ne ju duam, por është koha.”
Në mbrëmjen e së shtunës, O’Malley Dillon shkroi një memo duke akuzuar “klasën mediatike” se e kishte nxjerrë nga gara Biden-in para kohe.
“Nëse ne shohim ndryshime në sondazhe në javët e ardhshme, nuk do të jetë hera e parë që narrativat e tejmbushura të mediave kanë shkaktuar rënie të përkohshme në sondazhe,” shkroi ajo.
Ajo nuk përmendi më shumë se 50 milionë amerikanë që ndoqën paraqitjen e Biden në kohë reale.
VINI RE: Ky material është pronësi intelektuale e NY Times
Përgatiti për Hashtag.al, Klodian Manjani
