Presidenti amerikan Biden është zotuar të vijojë fushatën e rizgjedhjes, duke i thënë MSNBC se ai “nuk do shkojë askund” dhe se pavarësisht shqetësimeve të përhapura për shëndetin e tij mendor, ai është “kandidati më i mirë për të mposhtur Donald Trump-in”.
Duke folur me gazetarin Joe Scarborough dhe Mika Brzezinski të hënën, Biden përsëriti se ai është “përkushtuar fuqishëm” për të fituar një mandat të dytë në detyrë dhe i bëri thirrje “çdokujt prej këtyre djemve që nuk mendon se duhet të kandidoj” ta sfidojë atë në Konventën Kombëtare Demokrate muajin e ardhshëm.
I ballafaquar nga Brzezinski me një listë të organizatave liberale të lajmeve dhe ekspertëve që i kanë bërë thirrje të largohet nga gara, Biden pohoi se të gjithë janë pjesë e një komploti “elitar” për ta detyruar atë të dalë nga gara.
“Nuk më intereson se çfarë mendojnë ato emra të mëdhenj”, tha Biden.
Ndërsa Partia Demokrate qëndroi e bashkuar pas Biden-it gjatë sezonit të parë kryesisht simbolik të këtij viti, e ardhmja politike e presidentit është zhytur në pasiguri pas një debati katastrofik kundër rivalit të tij republikan, ish-presidentit Donald Trump, muajin e kaluar. Biden u shfaq dukshëm i hutuar gjatë përballjes së organizuar nga CNN, duke i ngatërruar fjalët e tij dhe duke hasur vështirësi për të përfunduar fjalitë.
Donatorët demokratë dhe ekspertët liberalë i kanë bërë thirrje Biden-it të pezullojë fushatën, me disa media dikur miqësore që kërkojnë që ai të japë dorëheqjen si kandidat. Ndërkohë, ligjvënësit e lartë të partisë thuhet se po përgatiten të nënshkruajnë letra duke kërkuar që ai të zëvendësohet me një kandidat më të kthjellët.
Komentet e Biden për MSNBC pasqyrojnë ato që ai bëri në një letër drejtuar demokratëve në Kongres të hënën. Në televizion dhe në letër, Biden këmbënguli se ai “nuk do të kandidonte përsëri nëse nuk do të besoja absolutisht se isha personi më i mirë për të mposhtur Donald Trump në 2024”.
Një sondazh i kryer nga CBS Neës/YouGov në vazhdën e debatit zbuloi se 72% e votuesve të regjistruar nuk besojnë se Biden ka “shëndetin mendor dhe njohës të nevojshëm për të shërbyer si president”. Një sondazh i mëpasshëm i Reuters/Ipsos ka zbuluar se një në tre demokratë beson se 81-vjeçari nuk duhet të kërkojë rizgjedhjen.
