Presidenti francez Emmanuel Macron, ka pranuar zyrtarisht dorëheqjen e kryeministrit të tij Gabriel Attal, mbrëmjen e së martës.
35-vjeçari, i cili ka qenë në këtë pozicion vetëm që nga fillimi i vitit, dhe kabineti i tij do të qëndrojnë në vend gjatë Olimpiadës së ardhshme të Parisit, ndërsa kreu i ri i qeverisë do të emërohet.
Ish-kryeministri dhe kabineti i tij do të jenë përgjegjës vetëm si qeveri kujdestare për sigurimin e vazhdimësisë së shtetit.
Në parim, asnjë masë politike nuk mund të merret gjatë kësaj periudhe të përkohshme nga qeveria e përkohshme, shkruan Euronews.com.
Edhe pse kjo situatë mund të funksionojë gjatë fazës së tranzicionit, ajo do të përbëjë qartë një problem demokratik nëse zgjat për një kohë të gjatë, veçanërisht duke pasur parasysh se negociatat për zëvendësimin e kryeministrit kanë qenë të mbushura me komplikime pas zgjedhjeve legjislative të Francës.
