Vajza e sundimtarit të Dubait duket se ka njoftuar divorcin e saj në rrjetet sociale.
Me një postim në llogarinë e saj në Instagram, Sheikha Mahra bint Mohammed bin Rashid Al Maktoum tha se ajo po i jepte fund martesës duke shkruar: “Unë deklaroj divorcin tonë”.
Ndërkohë nuk ka pasur asnjë koment publik nga bashkëshorti i Sheikha Mahra, Sheikh Mana bin Mohammed bin Rashid bin Mana Al Maktoum, apo babai i saj, sipas BBC.
Postimi, i cili fillonte “Burri i dashur”, përfundonte – “Unë të divorcohem, unë të divorcohem dhe unë të divorcohem nga ty”, duke përdorur praktikën islame të njohur si talak i trefishtë.
Kjo praktikë është e ndaluar në shumë vende, por zakonisht i lejon burrat të divorcohen me shpejtësi nga gratë e tyre duke thënë “Unë të divorcohem” tre herë.
“Kujdes, ish-gruaja jote”, shtoi postimi në Instagram.
Të gjitha imazhet e bashkëshortit të Sheikha Mahra-s duket se janë fshirë nga llogaria e saj.
Çifti u martua në prill 2023 në një ceremoni luksoze dhe fëmija i tyre i parë lindi dy muaj më parë.
Disa komente nga përdoruesit e Instagramit kanë spekuluar se llogaria e Sheikha Mahra mund të ishte hakuar. Nuk ka pasur asnjë indikacion zyrtar për këtë. Në momentin e publikimit, postimi që deklaronte divorcin e saj u rendit si një ditë i vjetër.
Qeveria e Dubait dhe Ambasada e Emirateve të Bashkuara Arabe në Londër nuk iu përgjigjën menjëherë kërkesave për koment.
