Në takimin me strukturat e PS në Kamzë, ku u shprehu mirënjohjen socialistëve për kontributin ndër vite, Drejtuesi Politik për Qarkun e Tiranës, Erion Veliaj, tha se së shpejti nis ndërtimi edhe i urave të tjera, që i vijnë në ndihmë qytetarëve dhe bizneseve në të dyja anët e lumit.
Ai theksoi se dikur, të ishe nga Kamza apo zonat përreth dukej si të vije nga një planet tjetër, por tani Tiranë-Kamzë janë të pandara.
Veliaj vlerësoi punën e kryer deri tani, duke e cilësuar si një rezultat i përpjekjeve të njeriut dhe skuadrës së punës. Ai theksoi se partia që mendon për njerëzit ka vendosur gurët e një pune të jashtëzakonshme.
Veliaj beson se me ndërtimin e urave të reja dhe krijimin e Zonës së Lirë Ekonomike, Kamza dhe Tirana do të bëhen një histori suksesi për bizneset digjitale, automotive dhe teknologjike, duke ofruar mundësi të reja për të rinjtë e dy qyteteve.
“Dikur Ura e Babrrusë ishtë një shetg i ngushtë, ku makinat prisnin në radhë për ta kaluar, sot ura e re me dy korsi është më mirë, por sërish nuk mjafton. Duhet të nisim punën urgjent për urat e tjera dhe jam i bindur se po të vijojmë këtë punë siç e kemi nisur, aksi Tiranë-Kamzë do jetë aksi më i madh ekonomik, financiar, i punëdhënies, i arsimit dhe i investimeve në Ballkan.
Kur thua se je nga Kamza sot, tregon se je dikush që i ka arritur gjërat me punë e përpjekje, që e ke krijuar shtëpinë apo biznesin nga zero. Kur shikoj 10-at e çunave e gocave, jo vetëm në gjimnaze, por edhe kur vijnë në universitet në Tiranë, meritojnë të gjithë respektin. Dikur, të thoje se ishe nga Bathorja, nga Laknasi, Domja, të thoje se ishe nga Babrroi, dukej sikur vije nga një planet tjetër. Sot, vjen nga Tirana në Kamzë dhe nuk e dallon dot ku është vija e verdhë e ndarjes.
Në qoftë se deri dje krahasimi ishte si dita me natën, sot është ditë dhe dritë në të dy anët e vijës së verdhë. Këtë e bën njeriu i punës, skuadra e punës, partia që mendon për njerëzit dhe që mundohet që çdo ditë të vendosë nga një gur, për të lënë një gjurmë të një pune të jashtëzakonshme.
Ne mund të bëjmë një histori suksesi të jashtëzakonshme jo vetëm me lidhjet fizike, me urat, por edhe me Zonën e Lirë Ekonomike. Me bizneset e reja digjitale, automotive, dhe të teknologjisë që do operojnë aty, do të kemi një histori suksese për djemtë e vajzat e mrekullueshme të Tiranës dhe Kamzës”, tha Veliaj.
