Izraeli dërgoi tanke përsëri në zonën e Khan Younis pasi urdhëroi evakuimin e disa zonave që tha se ishin përdorur për sulme të reja nga militantët dhe të paktën 70 palestinezë u vranë nga zjarri izraelit thanë mjekët në Gaza të hënën.
Palestinezët u vranë nga sulmet e tankeve në qytetin Bani Suhaila dhe qytete të tjera në skajin lindor të Khan Younis, me zonën që u bombarduar edhe nga ajri, thanë ata.
Banorët e zonës së ndërtuar dendur në jug të Gazës thanë se tanket përparuan për më shumë se dy kilometra në Bani Suhaila, duke i detyruar banorët të iknin nën zjarr.
“Është si dita e gjykimit,” i tha Reuters përmes një aplikacioni një banor, i cili e identifikoi veten vetëm si Abu Khaled.
“Njerëzit po ikin nën zjarr, shumë janë të vdekur dhe të plagosur në rrugë.”
Ministria e Shëndetësisë në Gaza tha se mes të vdekurve kishte disa gra dhe fëmijë dhe se të paktën 200 persona të tjerë ishin plagosur. Ministria e Gazës nuk bën dallim midis militantëve dhe civilëve në raportet e saj të vdekjeve.
Ushtria izraelite tha në një deklaratë, se urdhrat e evakuimit të popullatës në Khan Younis lindore erdhën nga informacionet e inteligjencës që tregonin se militantët po gjuanin raketa nga ato zona dhe Hamasi po përpiqej të rigrupohej.
“Ne jemi të lodhur, jemi të lodhur në Gaza, çdo ditë fëmijët tanë martirizohen, çdo ditë, çdo çast,” tha Ahmed Sammour, i cili humbi disa të afërm në bombardimet në lindje të Khan Younis.
