Platforma e mesazheve të koduara Telegram ka arritur në 950 milionë përdorues aktivë mujorë dhe vijon të rritet me shpejtësi, tha themeluesi i saj Pavel Durov.
Platforma ka fituar 50 milionë përdorues që nga pranvera dhe është në rrugën e duhur për të arritur numrin një miliard, shkroi sipërmarrësi me origjinë ruse në kanalin e tij Telegram të martën.
Në prill, Durov raportoi se platforma kishte 900 milionë përdorues aktivë mujorë, duke shtuar se 450 milionë futeshin çdo ditë. Ai citoi të dhëna nga kompania analitike DataAI që tregonin se aplikacioni i tij i mesazheve ishte i gjashti më i përdorur dhe i shkarkuar në botë.
Ashtu si WhatsApp ose Messenger, Telegram lejon përdoruesit të dërgojnë mesazhe private dhe grupore. Ndryshe nga konkurrentët e tij amerikanë, ai gjithashtu i lejon përdoruesit të krijojnë “kanale” për të shpërndarë lajme dhe përditësime tek ndjekësit.
Platforma e mediave sociale e prodhuar nga Rusia u rendit si aplikacioni më i popullarizuar i mesazheve në Ukrainë në vitin 2023, sipas SimilarËeb. Megjithatë, Kievi prej kohësh ka bërë thirrje për ndalimin e Telegramit, duke e përshkruar atë si një kërcënim për sigurinë kombëtare.
Zyrtarët në Bashkimin Evropian kanë kërkuar të rregullojnë Telegramin dhe thuhet se po shqyrtojnë një lëvizje për ta renditur aplikacionin si një “platformë shumë të madhe në internet”. Kjo do bënte që aplikacioni t’u nënshtrohej rregullave të BE-së.
