NASA dhe SpaceX kanë përshkruar planin për të nxjerrë nga orbita Stacionin Ndërkombëtar Hapësinor (ISS) kur ai të jetë në fund të jetës së tij. Me një kontratë prej 843 milionë dollarësh, SpaceX do të përdorë një kapsulë të fuqishme Dragon për të udhëhequr stacionin drejt një shkatërrimi të kontrolluar në fillim të vitit 2031.
Stacioni hapësinor, që ka shërbyer për 32 vjet, po tregon shenja të moshës. NASA dhe partnerët e saj kanë vendosur që në vend të ndarjes së stacionit ose ngritjes së tij në një orbitë më të lartë, ta drejtojnë atë drejt një rihyrjeje të sigurt në një pjesë të largët të Paqësorit Jugor.
SpaceX do të përdorë një kapsulë të veçantë Dragon, e cila do të ketë një bagazh të madh që strehon 46 motorë dhe më shumë se 16,000 kilogramë karburant. Kjo anije kozmike do të ndihmojë stacionin të zbresë në një orbitë më të ulët përpara se të drejtohet përfundimisht drejt ujërave të oqeanit.
Astronautët do të jenë ende në bord gjatë uljes së gradualtë të stacionit dhe do të largohen gjashtë muaj përpara shkatërrimit të planifikuar. NASA synon të shpëtojë disa sende të vogla nga brenda stacionit për t’u ekspozuar në muze, por pjesa më e madhe e stacionit do të shkatërrohet me një goditje të zjarrtë./AP
