Deputetja Flutura Açka doli kundër marrëveshjes për kodin zgjedhor. Në fjalën e saj, Açka u tregua e ashpër edhe me deputetët opozitarë, duke i akuzuar si njerëz që kanë përfituar leje ndërtimi dhe janë më të fuqishëm se disa ministra.
Më tej ajo u shpreh se opozitarë të tillë kanë ndërruar edhe shtëpi dhe tani jetojnë në vila luksoze në kodra, komenti i cili ngjalli dhe irrtimin e Edmond Spahos, deputetit të Rithemelimit.
Açka: Unë jam prej atyre njerëzve që e kanë qenë jashtë parlamenti dhe politikës. Në 2021 hyra në parlament për ta njohur nga brenda politikën.
Nga jashtë e kam kritikuar si gjënë më të keqe. Ajo që vërejta kur hyra ishte fakti që koha kalenderike jashtë dhe këtu brenda nuk përputhen.
Atje jashtë njerëzit kanë ëndrra kur vijnë këtu brenda kanë ethe personale. Këtu është baza e konfliktit me debatin sot për kodin zgjedhor.
Ne sot po dalim kundër sensit në kushtetutë për të menduar atë ëndrrën aty jashtë. Them votën time kundër. Shumë opozitarë e shanë kodin tuaj sot.
Megjithatë do e votojnë. Sepse disa opozitarë këtu janë pasuruar në opozitë. Kanë ndërruar adresat, nga Brraka, apo Medresja, Rrapi i Treshit jetojnë tani nëpër vila dhe kodra.
Po, po opozitarë. Disa opozitarë këtu kanë fuqi më shumë se ministrat tuaj. Sepse kanë marrë leje ndërtimi, resorte dhe përkëdhelen prej jush. Ju lumtë! Sepse disa opozitarë këtu, zoti Spaho nuk e kisha me ju mos u shqetësoni.
Edmond Spaho ndërhyri dhe kërkoi që Açka të flasë me emra, por ajo vazhdoi duke thënë se problemi qëndron në “opozitën teknike” që votojnë nga frika dhe janë korruptuar nga pushteti.
Açka gjithashtu kritikoi reformën zgjedhore, duke thënë se ajo është sabotuar dhe se ndryshimet e propozuara nuk i shërbejnë qytetarëve.
Spaho: Fol me emra.
Açka: I dini shumë mirë, quhet opozita teknike. Sepse e votojnë se kanë frikë. Frikë korrupton, jo pushteti. Ka dhe pushtet në opozitë. Ju e sabotuar reformën zgjedhore dhe keni sjellë sot arnimet e kodit zgjedhor, që nuk u shërben qytetarëve.
Kishim një komision të posaçëm dhe e sabotuat dhe nuk shkuar me asnjë draft. Edhe ju bashkë me opozitën që nuk mori pjesë duke shpërfillur dhe hedhur gurë që kishte personazhe për tu ulur në komision.
Kaluat nga një komision parlamentar, ndërtuar një skutë, në bodrumet e këtij parlamenti sot fshiheni pas votës së diasporës pasi keni siguruar mandatin e katërt.
I them diasporës, është 51% e kombit jashtë, një maskë ky kod zgjedhor pas saj fshihet mandati i katërt i Edi Ramës, që ka sot 10 mandate paradhënie dhe të tjera të sigurta.
Ky kod sot i arnuar, jo një reformë totale zgjedhore, që të bëjmë një reformë e sanksionuar nga të gjitha palët, me pjesëmarrje të shqiptarëve dhe ne të sanksionojmë.
Edhe opozita ti përulet asaj kësule që ka lënë kryeministri dhe të çirret se po mendon për shqiptarët.
Nuk kam asnjë keqardhje që sot do votoni kundër meje. Ju jepni një shembull atyre që janë jashtë që duan të hyjnë në politikë, që ky parlament nuk është bujar, por është strofkulla e atyre që mendojnë vetëm për interesat e veta. Populli ju dënoftë.
