Ismael “El Mayo” Zambada, një udhëheqës i kartelit Sinaloa të Meksikës, dhe Joaquín Guzmán López, djali i ish-partnerit të tij, u arrestuan nga autoritetet amerikane në Teksas të enjten, tha Departamenti i Drejtësisë i SHBA.
Në orën 17:50, Ambasada e Shteteve të Bashkuara në Meksikë konfirmoi informacionin dhe bëri me dije se tashmë ishte kryer verifikimi i gjurmëve të gishtave të tyre, të cilët rezultuan pozitivë për identitetin e të dy personave të identifikuar si drejtues të organizatës kriminale.
Qeveria amerikane kishte ofruar një shpërblim deri në 15 milionë dollarë për informacionin që do të çonte në kapjen e Zambadës, i cili u shmang autoriteteve për dekada.
Zambada u padit në vitin 2012 me akuza për vrasje dhe konspiracion lidhur me trafikun e drogës, pastrimin e parave dhe krimin e organizuar. Një nga aleatët e tij kryesorë dhe bashkëthemeluesi i Sinaloa, Joaquin Guzmán Loera, i njohur si “El Chapo”, u dënua në gjykatën federale në vitin 2019 pasi u ekstradua nga autoritetet meksikane me burgim të përjetshëm.
#VIDEO| En la mañanera muestran las fotos de los capturados el Mayo Zambada y Joaquín Guzmán López pic.twitter.com/G3Z4oYn0q5
— Nacho Rodriguez (El Chapucero) (@NachoRgz) July 26, 2024
