Kandidati republikan për president, Donald Trump tha të premten se do të kthehet në qytetin e Pensilvanisë, ku i mbijetoi një atentati, ndërsa nënpresidentja Kamala Harris e mbylli përpjekjen e saj njëjavore për t’u bërë kandidate presidenciale demokrate me miratimin i ish-presidentit Barack Obama.
“Do kthehem në Butler, Pensilvani, për një tubim të madh dhe të bukur”, shkroi ish-presidenti Trump në faqen e tij “Truth Social”, pa dhënë hollësi kur dhe ku do zhvillohet tubimi.
Harris, gruaja e parë me ngjyrë dhe e para aziatiko-amerikane që shërbeu si zëvendëspresidente, konsolidoi me shpejtësi mbështetjen e demokratëve pasi Presidenti Joe Biden e caktoi atë për ta pasuar atë të dielën. Një pjesë e vogël e sondazheve të opinionit publik këtë javë kanë treguar se ajo ka filluar të ngushtojë epërsinë me Trump.
Një sondazh i së premtes në Wall Street Journal tregoi se Trump ka 49% mbështetje ndaj Harris që ka 47%, me një diferencë gabimi prej tre pikë përqindjeje. Një sondazh nga gazeta në fillim të këtij muaji kishte treguar se Trump kryeson Biden përkatësisht 48% me 42%.
Obama dhe gruaja e tij Michelle miratuan Harris të premten, duke shtuar emrat e tyre në një paradë të demokratëve të rëndësishëm që u bashkuan pas ofertës së Harris në Shtëpinë e Bardhë pasi Biden, 81 vjeç, i dha fund fushatës së tij të rizgjedhjes nën presionin e partisë.
