Të paktën nëntë persona janë vrarë dhe dhjetëra janë plagosur pas një sulmi që goditi një fushë futbolli në Lartësitë Golan të pushtuara nga Izraeli, raportojnë mediat izraelite.
Forcat e Mbrojtjes së Izraelit (IDF) thanë se një raketë ra në zonën Majdal Shams të territorit.
Shumica e viktimave besohet të jenë fëmijë dhe adoleshentë.
IDF fajësoi Hezbollahun për sulmin, por zëdhënësi i Hezbollahut Mohamad Afif mohoi “ndonjë lidhje me incidentin e Majdal Shams”.
“Të gjitha akuzat [për përfshirjen e grupit] janë të rreme”.
Ushtria izraelite dhe Hezbollahu kanë shkëmbyer zjarr ndërkufitar që nga fillimi i luftës Izrael-Hamas në tetor.
Videoja e verifikuar tregon turma njerëzish në një fushë futbolli dhe barela që nxitojnë në pritje të ambulancave, përcjell BBC.
Majdal Shams është një nga katër fshatrat në Golan ku jetojnë rreth 25,000 druze.
Atyre iu ofrua shtetësia izraelite kur Lartësitë e Golanit u aneksuan nga Siria në vitin 1981, por refuzuan. Ata mund të studiojnë dhe të punojnë në Izrael, por jo të votojnë.
